Mobile Virtual Learning for Indigenous Languages
01.10.2019 –  28.02.2022
Project Reference: 2019-1-UK01-KA204-061875

2019 mearriduvvui Máilmmi Álgoálbmogiid Giellajahkin (Ovttastuvvon Nášuvnnat, 71178 on the Rights of Indigenous People). Olu álgoálbmotgielat leat čađat áitojuvvon ja muhtun gielat leat jo jávkan. Danne leat biddjon johtui doaibmabijut mat galggašedje loktet ja hukset áitojuvvon ja unnitlogugiid gielaid ja dáinna vuođuin lea EO áŋgiruššagoahtán geahččalit várjalit sihke ceavzima ja boahtteáiggi daidda gielaide maid atná leat Áitojuvvon Gielat. Muhtomin leat giellaoahpahusfálaldagat váilevaččat báikkiin gosa dákkár gielat gullet ja áidna vejolašvuohta lea oahppat dáid gielaid “vieris” giellan. De Council of Europe’s Charter for Regional or Minority Languages ásahus lea dan dihtii mearridan giellaoahpahusa ja oahppama erenoamáš vuoruhansuorgin. Mii leat dán prošeavttas heivehan iežamet vuoruhemiid EO várjalan- ja ovdánahttináigumušaide ja doaibmabijuide maid sii leat mearridan 128 áitojuvvon giela várás. (geahča 2013 EP DG ráportta “Endangered Languages and Linguistic Diversity in the European Union”) UNESCO meroštallá giella lea áitojuvvon go geavaheaddjit heitet dahje unnidit hállama nu ahte giella ii šat fievrriduvo boahttevaš buolvvaide.

Min prošeakta IndyLan áigu hukset oahpponeavu mii veahkeha geavaheddjiid oahppat osiid muhtun Europa áitojuvvon gielain ja daidda álbmogiidda gullevaš kultuvrrain. Áppa lea reaidu mii geavaha speallama ávkin giellaoahppamis. Áppa lea reaidu mii geavaha speallama ávkin giellaoahppamis. Jierbmetelefovnnat leat gártan beaktilis oahpporeaidun ja telefovnnaid ja dihtordulbosiid geavaheaddjilohkku EO`s lassána jagis jahkkái.

IndyLan áppain beassá Eaŋgalas- Spánska-, Dáro-, Ruoŧa-, ja Suomagielaid bokte oahppat Gaelagiela, Skohttagiela, Kornagiela, Baskagiela, Galisiagiela ja Davvisámegiela. Buot dát gielat leat muhtun dásis áitojuvvon.

Áppa huksejuvvo ovddeš prošeavtta vuođul; Moving Languages, muhto dainna earuin ahte IndyLan šaddá okta áppa, eai ge nu mo Moving Languages lei ahte ledje áppat juohke giela várás. IndyLanas galget sullii 4000 sáni birrasiid 100 fáttás. Áppa váldosuorggit leat: Sánit, Dadjanvuogit, Gulahallan, Kultuvra ja Iskan.

Sániid sáhttá hárjehallat iešguđet oahppovugiin ja daid earuha govaidguin vai lea álki dovdat daid iešguđet surgiid. Báddejuvvojit jietnabáttit sániide, doahppagiidda, cealkagiidda ja ságastallamiidda jna. Áppas galgá maid sierra Kultur-suorgi, mas čállosat, musihkka ja govat. Das besset geavaheaddjit eanet oahppat dain iešguđet áitojuvvon gielaid geavaheddjiid kultuvrrain ja duogážiin. IndyLan ii ráŧkke gielaid dain geavaheddjiin.

IndyLan áppa beassá miehttá máilmmi luđet nuvttá sihke iOSii ja Androidii Geassemánus 2021. Nu mo eará ge giallaoahpahanreaidduiguin ge de sáhttá geavahit IndyLan lassibargoneavvun sihke giella- ja kultuvrakurssain ja sáhttá leat reaidun iežasoahpaheapmái. Min višuvdna lea ahte IndyLan váikkuha áitojuvvon gielaid ealáskahttimii ja oahppamii vai dát gielat ain ellet ja leat áigeguovdilat otná servodagain ja ekonomiijain.