Koordinator

Dept. of Languages and Intercultural Studies (LINCS), Heriot-Watt University, Edinburgh.

Heriot-Watt University lea njunuš universitehta mas ossodagat sihke Skottlánddas, Dubáias ja Malaysias. LINCS erenoamáš gelbbolašvuohta lea jorgalan ja dulkonoahput ja maiddái mággabealát kultuvrraid oahput de go ealli kulturduogáš, giellapolitihkka, identitehta ja sirdolašvuohta. Mis lea guhkes historjá fállamis oahpuid mat čalmmustahttet gielaid luondduid ja ámmátlaš giellageavaheami ja gulahallandáiddu.

Min Sis-kultuvrrálaš Dutkanguovddáš (Intercultural Research Centre (IRC)) čalmmustahttá guovddáš áššiid mat čuožžilit sis-kultuvrrálaččat go máilbmi rievddada. Okta guovddáš dutkansuorgi lea guorahallama ja vásáhusaid bokte buvttadit iešguđet kultuvrraid, identitehtaid, servodagaid dahje gielaid gaskii áddejumi ja árvvusatnima. Dát gelbbolašvuohta lea dagahan ahte mii leat ožžon ruhtajuolludemiid iešguđet erenoamáš EO-prošeavttaide de go: New Speakers in a Multilingual Europe, RADAR, IMPLI, CO-Minor/Inquest, Justisigns, Medisigns, Insign, CoHERE, Moving Languages, Intercultural Training for Educators (InterTrainE) ja eará. Eará prošeavttat main mii leat oassin dahje jođiheamen leat Happy to Translate scheme, mii ovddida dásseárvosaš bálvalusaid almmolaš ja eaktodáhtolaš birrasiin buohkaide geat deaividit giellahástalusaiguin Skotlánddas ja vel Translating the Deaf Self, Place and Memory in Europe ja Imaginaries of Home.

IndyLan prošeaktaoktavuohta

Dr Katerina Strani,  A.Strani@hw.ac.uk

Tel: +44 131 451 4216

https://researchportal.hw.ac.uk/en/persons/katerina-strani-jefferson

Twitter: @KaterinaStrani 


Cornwall Council

Cornwall Council lea ovttalaš eiseváldi Kornwallii Stuorra Brittánnias. Cornwall Council jođiha Kornagiela giellaprográmma ja lea ásahan Cornish Language Office. Lea Cornish Language Lead guđes lea ovddasvástádus lasihit Kornagiela geavaheami ráđi bargguin, rávvet servviid guđet háliidit geavahit Kornagiela ja maid heivehit prošeavttaid servodahkii.

Kornagiela giellastrategiija 2015-2025 cuige mo boahtteáiggis galgá ovddidit giela ja das leat njeallje váldooasi: Árvu, geavaheapmi, háhkan ja Korpus. Strategiija mihttomearri lea lasihit giellageavaheddjiid ja geavahandilálašvuođaid. Kornagiella lea nannusit go guhkes áigái leamašan, muhto nu mo eará ge smávva gielat de lea dárbu doaibmabijuide mat suddjejit, dorjot ja ovdánahttet giela. Jahkkásaččat Cornish Language Office doarju prošeavttaid mat lasihit Kornagiela geavaheami ja maiddái dárbbaslaš gelbbolašvuođa ja návccaid giela ovdánahttimii. Listu min ovddeš prošeavttain: dás.

Oktavuohta

Cornish Language Office 
Cornwall Council , 5th Floor, Zone A, Pydar House, Truro, TR1 1XU

Cornish Language Lead: Mark Trevethan

Tel: +44 (0)1872 323497

E-poasta: cornishlanguage@cornwall.gov.uk


Sámiráđđi

Sámiráđđi lea sápmelaččaid oktasaš sorjjasmeahttun kulturpolitihkalaš ja politihkalaš ásahus, mii doaibmá Norgga, Ruoŧa, Ruošša ja Suoma sámiid organisašuvnnaid oktasašbargoorgánan. Vuođđudeami rájes jagis 1956 Sámiráđđi lea aktiivvalaččat bargan sámepolitihkalaš figgamušain. Sámiráđđi lea okta dain eamiálbmotorganisašuvnnaiguin, mii lea doaibman buot guhkimusat.

Sámiráđi doaibma vuođđoduvvá sámiid konferánssain dahkkojuvvon mearrádusaide, ja doppe dahkkon ja mearriduvvon ovdanbuktimiidda, julggáštusaide ja politihkalaš prográmmaide.

Sámiráđi váldoulbmil lea ovddidit sámiid vuoigatvuođaid ja beroštumit mat gusket sámiide dan njealji riikkas, main sámit orrot. Sámiráđi ulbmilin lea gozihit sámiid ovdduid álbmogin, nannet sámiid oktiigullevašvuoda riikkarájáid rastá ja bargat nu, ahte sápmelaččat maiddái boahttevuođas dohkkehuvvojit oktan álbmogin, man kultuvrralaš, politihkalaš, ekonomalaš ja sosiálalaš vuoigatvuođat sihkkarastojit nuppe dáfus guđege riikka lágaiguin ja nuppe dáfos riikkaid ja sámiid ovddasteaddji orgánaid gaskasaš soahpamušaiguin. Sámiráđđi oassálastá álbmogiidgaskasaš proseassaide, mat gusket eamiálbmogiid, olmmošvuoigatvuođa ja árktalaš- ja birasáššiid.

Ulbmiliiddis ollášuhttimii Sámiráđđi addá cealkámušaid sihka dahká evttohusaid sámiid ealáhu­saide, vuoigatvuođaide, gielaide ja kultuvrii guoskevaš áššiin, erenoamážit áššiin mat gusket mángga riikka sámiide.

Sámiráđi dievasčoahkkin čoahkkana sullii guktii jagis guorahallat sámiid ja eará eamiálbmogiid vuogatvuođalaš ja kultuvrralaš diliid. Bargolávdegoddi (BL) ja čállingoddi leat ráđi doibmiibiddji orgánat. Sámiráđi sierra áššedovdi surggiid bargu čađahuvvo ossodagaid bokte. Sámiid kultuvrralaš ovttasbarggus fuolaha kulturlávdegoddi. Lávdegotti ulbmilin lea lasihit dieđu sámi kultuvrra birra viidát, ovddidit kulturinstitušuvnnaid ja Sámiráđi ovttasbarggu ja juohkit kulturdoarjagiid.

Sámiráđđi ruhtada doaimmas doarjagiiguin. Sámiráđi jođiha ságadoalli guokte jagi ain hávil.

Oktavuohta: Áile Jávo, Secretary General, Saami Council

ČUJUHUS
SÁMIRÁĐĐI / SAAMI COUNCIL, Postboks 162, N-9735 Kárášjohka/Karasjok
NORWAY

E-Boasta: saamicouncil@saamicouncil.net

Tel +4748021734


Asociación Moviéndote

MOVIÉNDOTE Association lea non-profit kultursearvi man olbmot geat leat hárjánan oahpahussurggiin, sosiála searvadahttinsurggiin, bargoaddimiin ja dásseárvosaš vejolašvuođaid láhččimiin leat ásahan. Olbmot iešguđet servodatsurggiin mat leat daiguin mihttomeriiguin searvan ahte ovddidit ovddasvástádusdovddu iežamet birrasiidda ja movttidahttit ja doarjut olbmuid doaibmat iešguđet servodatbeliin.

Moviéndote bargá jovkkožiiguin mat uhkiduvvojit sosiála olggoštemiin ja lokte dihtomielalašvuođa, dutkama, hárjehallama, eaktodáhtolašvuođa ja muđui aktiivalaš servodatlahttuid áigumušaid mat buktet oktii máŋggakultuvrrat ja buolvvaid rastildeaddji jovkkožiid.

Eanet dieđut www.moviendote.org

Oktavuohta: Jaione Santos Miguel

Čujuhus: Centro Voluntariado Gobelaurre, Parque Gobelaurre s/n – 48930 Getxo, BILBAO, Spain.

E-poasta: asociacionmoviendote@gmail.com

Twitter – @asoc_MOVIENDOTE

Facebook – https://www.facebook.com/moviendote.getxo

Instagram – https://www.instagram.com/moviendote/


Learnmera Oy

Learnmera Oy lea priváhta giellaoahpahus- ja jorgalanásahus Helsset guovllus ja dat fállá fitnodatgiela oahpahusa, jorgalemiid ja gielladárkkisteami. Oahpahus fállu eanaš Davviriikkalas ja Europeálaš gielain. Lea maid oahpahusfálaldat easkkaálgiide Eaŋgalas-, Suoma-, Fránska-, Duiska- ja Ruoššagilli. Learnmera Oy`as lea nanu hárjáneapmi oahpponeavvuid huksemiin, neahttasiidduid hápmemiin, áppaid buvttademiin ja maid giellakurssaiguin interneahtas. Sin digitála kultur- ja giellaoahpporeaiddut, mat leat nuvttá gávdnamis neahtas, leat luđejuvvon čuđiidduháhiid gerddid jo. Learnmera Oy lea 2008 rájes searvan iešguđet Europeálaš prošeavttaide.

Lassin bajábeale namohuvvon fálaldagaide de fállá Learnmera maiddái IT-bálvalusaid mat leat erenoamážit heivehuvvon ásahusaide ja geaveheddjiide mat háliidit nannet sihke gulahallama iežaset gávpeoktavuođaiguin ja iežaset sosiála media beliid.

Dás gávnnat prošeavttaid main Learnmera lea bargan: deaddil.

Oktavuohta: Veronica Gelfgren, veronica@learnmera.com  

+358 45 169 5454

www.learnmera.com  

www.thelanguagemenu.com