Mobile Virtual Learning for Indigenous Languages
01.10.2019 –  28.02.2022
Project Reference: 2019-1-UK01-KA204-061875

2019 re beu disklerys An Vledhen Geswlasek a Yethow Genesik (Ervirans KU 71178 war Wiryow Poblow Genesik). An difygyans heb diwedh hag yn nebes kasys an koll troboyntel a yethow a’n par na re herdhyas war-rag assays dhe avonsya ha gul dasvewa yethow peryllys ha minoryta dre vras. Gans an gilva ma, omres yw an UE dhe witha bosva ha termyn a dheu a’n Yethow Peryllys dell y’s henow. Chartour Konsel Europa rag Yethow Ranndiryel po Le-usys a boslev yn arbennek adhyskans ha dyskans yethow avel ragwiryow essensek, awos an fowt a brovians adhyskans yn kemenethow yethow le-usys; yn nebes statow rag
ensampel an unnsel possybylta rag dyski an yeth le-usys hag yn fenowgh peryllys yw avel testen yeth ‘estren’.

Y’n gettesten ma, ragwiryow agan ragdres yw alinys gans ragwiryow ha ken ragdresow an UE dhe witha hag avonsya 128 yeth peryllys an UE (mirewgh orth derivas gwrys yn 2013 gans an EP DG “Yethow Peryllys ha Diversita Yethoniethel y’n Unyans Europek”). Herwydh
KKUASG/UNESCO yth yw yeth peryllys pan wra hedhi hy howsoryon dh’y devnydhya po na wrons hy devnydhya namenowgh ha hedhi a wrons dh’y dyski dhe’n nessa henedh.

Agan ragdres, IndyLan, a wra displegya toul adhyskansel desinys yn arbennek rag devnydhyoryon dhe dhyski nag unsel nebes a’n yethow peryllys europek mes dhe dhyski keffrys moy a-dro dhe wonisogethow an dus hag a gows an yethow ma. An toul yw fordh may haller dyski dredho yeth kepar ha gwari yn furvas app klappkodh. Klappkodhow skentel re dheuth ha bos toul adhyskansel geryes-da hag y’n UE yma an niver a dhevnydhyoryon a bub oos a glappkodhow skentel ha leghennow ow kressya heb hedhi. An app IndyLan a wra gweres kowsoryon a Sownsek, Spaynek, Norgaghek, Swedek ha Fynnek ow tyski Godhalek, Albanek, Kernewek, Baskek, Gallego, ha Saami .

Yma an app ow trehevel war ragdres kyns, Yethow ow Movya, ha’n brassa dyffrans IndyLan ow provia unn app rag oll an yethow, na appow unnik rag yethow liesek kepar dell wre Yethow ow Movya. IndyLan a wra synsi a-dro dhe 4,000 daklen-erva (ha termow ha lavarow) yn a-dro dhe 100 klass. An fordhow hag a vydh kavadow y’n app yw dell sew: Gerva; Lavarow; Keskowsow; Gramer; Gonisogeth; Prov.

Y hyllir praktisya an erva yn fordhow-studhya divers. Brassa rann a’n taklennow a vydh lymnys rag aswonvos esya an tybyans. Y fydh rekordyansow rag oll an erva, lavarow ha keskowsow h.e. An app a gomprehend tavlen arbennek Gonisogeth, gans tekstow, ilow hag imajys, le may hyll devnydhyoryon dyski moy a-dro dhe ertach ha gonisogeth an dus neb a gows an yethow peryllys dewisys. Dhe IndyLan, y hwelyn yethow avel diberthys dhyworth aga howsoryon.

An app IndyLan a vydh kavadow dhe vos iskergys oll a-dro dhe’n bys heb kost war hag iOS hag Android a vis Metheven 2021. Kepar ha pub app rag dyski yeth, IndyLan a yll bos devnydhys war-barth ha steusow yeth ha gonisogeth erel hag y hyllir y gonsidra avel rann devnydhyow omdhyski. Agan gwelesigeth yw rag an app IndyLan dhe weres adhyskans ha dasvewans yethow peryllys rag may hallo an yethow ma pesya yn few hag a vri yn kowethasow hag erbysiedhow kevos.