Guider
Dept. o Leids an Intercultural Studies (LINCS), Heriot-Watt Universitie, Embro.
Heriot-Watt Universitie is a foremaist universitie in the UK, wi biggins in Scotland, Dubai an Malaysia. LINCS specialises in the fields o owersettin an interpreitin studies, alang wi (inter)cultural studies includin leevin cultural heirskip, leid policie, identitie an migration. We hae a lang historie o providin lairnin programmes that luiks at the applied naitur an professional uise o language an communication skeels.
Oor Intercultural Research Centre (IRC) taks tent o important intercultural maitters growin oot o the cheengin global context. Forderin appreciation o the experience an discursive representation o leevin wi, or atween, different culturs, identities, communities or leids is a foremaist airt o research. Sic expertise haes brocht in EU siller fir newfangled projecks sic as: New Speakers in a Multilingual Europe, RADAR, IMPLI, CO-Minor/Inquest, Justisigns, Medisigns, Insign, CoHERE, Moving Languages, Intercultural Training for Educators (InterTrainE) an ithers. Ither projecks we are aither guidin on or contributin till includes the Gled tae Owerset [Happy to Translate] scheme, that forders equal access tae services in the public an voluntar airts fir aw thaim that micht hae a language barrier in Scotland; Owersettin the Deef Sel [Translating the Deaf Self]; Place an Mindins [Place and Memory] in Europe; an Imaginaries o Hame [Imaginaries of Home].
IndyLan projeck contack
Dr Katerina Strani, A.Strani@hw.ac.uk
Tel: +44 131 451 4216
https://researchportal.hw.ac.uk/en/persons/katerina-strani-jefferson
Twitter: @KaterinaStrani
Cornwall Council
Cornwall Cooncil is the Unitary Authority fir Cornwall in the Unitit Kinrick. Cornwall Cooncil heids up the Cornish leid programme an haes estaiblisht the Cornish Leid Oaffice. The Cornish Leid Guider is responsible fir growin the uise o Cornish in the wark o the Cooncil, giein advice tae organisations that wants tae yaise Cornish, an for guidin projecks in the communitie.
The Cornish Language Strategy 2015-2025 sets oot the forderin o the leid forrit an ayont an is makkit oot o fower main pairts: Status, Uise, Lairnin an Corpus. The Strategy ettles tae growe the nummer o Cornish speakers an gie mair chances tae yaise Cornish. The Cornish leid is in mair o a strang state than it haes bin fir a lang time, bit jist lik aw sma leids, there is want o a programme tae hain, uphaud an growe the leid. Ilk year, the Cornish Leid Oaffice forders projecks that growes the uise o Cornish an the skeels an smeddum tae forder the leid. A leet o oor praisent an foregane projecks can be fund here.
Contack
Cornish Language Office
Cornwall Council , 5th Floor, Zone A, Pydar House, Truro, TR1 1XU
Cornish Leid Guider: Mark Trevethan
Tel: +44 (0)1872 323497
Email: cornishlanguage@cornwall.gov.uk
Saami Council
The Saami Cooncil is a voluntar Saami organisation (a non–governmental organisation), wi Saami memmer organisations in Finland, Russia, Norroway an Sweden. Syne it wis estaiblisht in 1956, the Saami Cooncil haes wirkit wi virr on Saami policie maitters an is ane o the auldest hamelt fowks’ organisations on the go. The Saami Cooncil’s wark is based on the deceesions, statements, declarations an political programmes o the Saami Conference.
The foremaist ettlin o the Saami Cooncil is the uphaudin o Saami richts an interests in the fower kintras whaur the Saami bides. The main darg o the Saami Cooncil is tae bring thegither the feel o sibness amang the Saami fowk, tae win kennin fir the Saami as a nation an tae uphaud the cultural, political, economic an social richts o the Saami in the legislation o the fower states, (Norroway, Sweden, Russia an Finland) an in greeances atween states an Saami representative organisations. The Saami Cooncil taks pairt in internaitional processes on maitters tae dae wi hamelt fowks, human richts an Arctic an naitural environs.
Saami Cooncil gies opeenions an maks overtures on questions ower Saami fowk’s livelihoods, richts, leid an cultur, an abune aa on maitters tae dae wi Saami in different kintras.
The Saami Cooncil gaithers aboot twa times a year tae discuss praisent maitters anent the richts an culture of the Saami an ither hamelt fowks. The Executive Board an the Secretariat is the preparatory organs o the cooncil. Specialised wark o the Saami Cooncil is cairried oot in units dedicated till important maitters. The Saami cultural cooperation is haunelt bi the cultural comatee. The ettlins o this comatee is tae growe an spreid kennin o the Saami cultur, tae forder the cooperation atween cultural institutions an the Saami Cooncil, an tae gie oot cultural fonds.
The Saami Cooncil is financit bi grants. The Saami Cooncil is moderatit bi a convener, wha is walit fir twa year at a time.
Contack: Áile Jávo, Secretary General, Saami Council
ADDRESS
SÁMIRÁĐĐI / SAAMI COUNCIL, Postboks 162, N-9735 Kárášjohka/Karasjok
NORWAY
EMAIL: saamicouncil@saamicouncil.net
PHONE +4748021734
Asociación Moviéndote
MOVIÉNDOTE Association is a cultural non-profit associe pit thegither bi fowk experienced in the fields o eddication, social inclusion, wark an equal opportunities. Fowk comin fae different airts o civil societie that ettles at jynin thegither tae forder a feel o responsibility aboot oor ain environs an forderin an uphaudin fowk tae tak action in different airts o societie.
Moviéndote wirks wi an fir collectives at risk o social exclusion an forders awareness raising, research, trainin, volunteerin an, in general, active citizenship initiatives that brings thegither intercultural an intergenerational collectives.
Mair info at www.moviendote.org
Contack: Jaione Santos Miguel
Address: Centro Voluntariado Gobelaurre, Parque Gobelaurre s/n – 48930 Getxo, BILBAO, Spain.
Email: asociacionmoviendote@gmail.com
Twitter – @asoc_MOVIENDOTE
Facebook – https://www.facebook.com/moviendote.getxo
Instagram – https://www.instagram.com/moviendote/
Learnmera Oy
Learnmera Oy is a private leid eddication an owersettin provider in the greater Helsinki area, that gies business leid lessons, owersettins, an proofreadin services. Coorses is offered in the muckle Nordic an European leids, alang wi beginners’ coorses in Inglis, Finnish, Swades, French, German an Russian. Learnmera Oy haes a wheen experience in eddicational resource creation, wabsteid creation, an app content biggin alang wi online vocational coorses. Their free publisht leid lairnin an cultural material online haes had hunners o thoosans o doonloads up tae the day. Learnmera Oy haes bin on the go athin different European projecks syne 2008.
Alang wi the services abune, Learnmera provides IT services maistly directit till corporate clients an institutions that wants tae growe their customer interfaces an social media presence forby.
A leet o projecks Learnmera haes wirkit on afore can be fund here.
Contack: Veronica Gelfgren, veronica@learnmera.com
+358 45 169 5454